शनिबारदेखि सुरु भएको बन्दसत्रमा विभिन्न समितिका प्रतिवेदन प्रस्तुत भइरहेका बेला भेलाको नाम परिवर्तन गरिएको हो। यससँगै सुकेधारास्थित मिराकल पार्टी भेन्युमा राखिएको ब्यानरसमेत परिवर्तन गरी ‘राष्ट्रिय सम्मेलन’ लेखिएको छ।

देउवा समूहका प्रचार–प्रसार समिति संयोजक मीन विश्वकर्माका अनुसार पार्टीको विधानले ‘राष्ट्रिय भेला’लाई मान्यता नदिने भएकाले कार्यक्रमको नाम ‘राष्ट्रिय सम्मेलन’ राखिएको हो। उनका अनुसार विधानले अधिवेशन, महाधिवेशन र सम्मेलनलाई मात्रै मान्यता दिएको छ।

विश्वकर्माले अदालतबाट पुनरावलोकनको निस्सा प्राप्त नहुँदासम्म ‘राष्ट्रिय भेला’ नाममा कार्यक्रम बोलाउनु विधानअनुकूल नभएको बताए। तर, अदालतबाट निस्सा प्राप्त भएपछि आफ्नो वैधानिकताको दाबी कायम रहेको भन्दै अब विधानअनुसारकै प्रक्रियामा छलफल अघि बढाउन ‘राष्ट्रिय सम्मेलन’ नाम दिइएको उनको भनाइ छ।