राष्ट्रिय स्वतन्त्र पार्टीले रूपन्देही–३ को उपनिर्वाचनमा उमेदवार बनाउन लागेको डा लेखजंग थापासँग गर्ने भनिएको पत्रकारसँगको अन्तरक्रिया स्थागित गरेको छ ।
आज दिउँसो २ बजे रास्वपा केन्द्रीय कार्यालयमा डा लेखजंग थापाले पत्रकार भेटघाट र अन्तर्क्रियाको लागि कार्यक्रम भन्दै उपस्थितिका लागि पत्रकार बोलाइए पनि अपरान्ह १२ बजेपछि स्थगित भएको सूचना रास्वपाले जारी गरेको छ।
विशेष कारणवश पत्रकार भेटघाट कार्यक्रम अर्को समयको लागि सारिएको सो पार्टीले जनाएपछि थापाको नैतिक चरित्रमाथि प्रश्न उठेपछि अन्तरक्रिया कार्यक्रम स्थागित गरिएको हो । उनीमाथि बहुविवहा गरेको तथा पार्टी बैठकको गोप्य भिडियो रेकर्ड गरेको आरोप लाग्दै आएको छ ।
