‎काठमाडौं । जेनजी आन्दोलनको फाइदा उठाउदै नक्खु कारागारबाट बाहिरिएका राष्ट्रिय स्वतन्त्र पार्टीका सभापति रवि लामिछाने कारागारमै फर्किने भएका छन ।  आज आफ्नो जन्मदिनको उपहार स्वरुप पुन कारागार फिर्ता हुन लागेको सामाजिक सन्जालमार्फत जानकारी गराएका छन ।
‎कारागार प्रशासनले मुक्त गरेको चिट्ठी सार्वजनिक गर्दै लामिछाने यहि भदौ २४ गते बाहिर निस्किएका थिए । तर उक्त चिट्ठी नक्कली भएको कारागार प्रशासनले स्पष्ट पारेको छ । सोही अनुरुप फरार कैदिका रुपमा कारागार प्रशासनको सम्पर्कमा आउन सुचना जारी भैसकेको छ। त्यस्तै सोही दिन कारागारबाट बाहिरिएका सम्पुर्ण कैदिलाई फिर्ता हुन कारागार प्रशासन र नेपाल प्रहरीले सार्वजनिक सुचना जारी गरि सकेको छ । जेनजी आन्दोलन पछि देशभरका कारागार बाट १२ हजार भन्दा बढी कैदिबन्दी फरार भएकोमा कतिपय पक्राउ पश्चात् र कतिपय स्वतस्फुर्त कारागार फिर्ता भैरहेका छन ।