शुक्रबार देशभर संविधान दिवस तथा राष्ट्रिय दिवस मनाइँयो । सरकारले टुडिखेलमा, राष्ट्रपति कार्यालयले शीतल निवासमा र दलहरूले विभिन्न कार्यक्रम गरी लोकतन्त्र प्राप्तिका लागि नेपाली जनताले गरेको सात दशक लामो संघर्ष र बलिदानको स्मरण गरे । यही संविधानले नेपालमा संघीय लोकतान्त्रिक गणतन्त्र संस्थागत गर्न मदत गरेको छ भने, २०६२-६३ को जनआन्दोलनका उपलब्धिका रूपमा प्राप्त समावेशी तथा समानुपातिक प्रणालीलाई पनि अङ्गीकार गरेका छ।
तर, मुलुकले यसरी संविधान दिवस मनाइरहँदा जेन–जी आन्दोलनले बलियो नेताका रूपमा स्थापित गरेका काठमाडौं महानगरपालिकाका मेयर बालेन्द्र साह बालेनले भने कुनै प्रतिक्रिया जनाएनन्। बालेन न कुनै संविधान दिवसका कार्यक्रममा देखा परे। उनकै जोडबलमा बनेको अन्तरिम सरकारले आयोजना गरेको संविधान दिवस मनाउँदा कार्यक्रममा पनि बालेन देखिएनन्। सो कार्यक्रममा ललितपुर महानगरपालिकाका प्रमुख चिरिबाबु महर्जन सहभागि थिए ।
बालेनको यसरी प्रतिक्रियाविहीन बस्दा धेरैले यसलाई रहस्यमय रूपमा हेरेका छन्। जेन–जी आन्दोलनको एउटा जमातले मुलुकमा प्रत्यक्ष कार्यकारी सरकार प्रमुखको अवधारणा अघि सारिरहेको छ। बालेन पनि त्यसकै पक्षमा रहेको बताइन्छ। संविधान दिवसका अवसरमा उनले कुनै प्रतिक्रिया नदिँदा कतै उनी संविधानकै विकल्पमा त रणनीति बनाइरहेका छैनन् भन्ने आशंका पनि उठिरहेका छन्।
उनी यो संविधान र संघीय लोकतान्त्रिक गणतन्त्रको नै विकल्पमा पक्षमा हुन कि भन्ने आम नागरिकमा प्रश्न उठेको छ । कतिपयले त बालेनले यो संविधान र यो व्यवस्थाका बारेमा बालेनको धारणा के हो भनेर पनि सार्वजानिक गर्नुपर्ने आवाज उठ्न लागेको छ ।
