विशेष महाधिवेशनका लागि आवश्यक हस्ताक्षर पुगिसकेको र आउने केन्द्रीय समिातिको बैठक अगावै सो हस्ताक्षर सभापति देउवालाई बुझाउने समाचार सार्वजानिक भइरहेको बेलामा नेपाली कांग्रेसका महामन्त्री विश्वप्रकाश शर्माले विशेष महाधिवेशनका लागि हस्ताक्षरका लागि अपित गरेका छन् ।
उनले महाधिवेशन प्रतिनिधिहरूलाई भिडियो सन्देश मार्फत हस्ताक्षर गर्न अपिल गरेका हुन् । असोज २६ गते कांग्रेसको केन्द्रीय समितिको बैठक बस्दैछ । मंगलबार सामाजिक सञ्जाल फेसबुकमार्फत भिडियो सन्देश जारी गर्दै उनले यस्तो अपिल गरे।
महामन्त्री शर्माको भिडियो सन्देशले ४० प्रतिशत महाधिवेशन प्रतिनिधिको हस्ताक्षर नपुगेको स्पष्ट हुन्छ । महामन्त्री गगन थापा निकट नेताहरूले सोमबार नै ४० प्रतिशत हस्ताक्षर पुगिसकेको भन्दै समाचार सार्वजानिक गरेका थिए । उनीहरूका सूचनाका आधारमा सोमबार सबै संचारमाध्यामले ४० प्रतिशत हस्ताक्षर पुगेको दाबि गर्दै समाचार सार्वजानिक गरेका थिए ।
तर संस्थापन इतर नेताहरूको अनुसार ४० प्रतिशत हस्ताक्षर पुग्न हम्मे हम्मे परेपछि महामन्त्री शर्माले भिडियो सन्देश जारी गर्दै विशेष महाधिवेशनको पक्षमा हस्ताक्षर गर्न अपिल गरेका हुन् । महामन्त्री शर्माले कतिपयले केन्द्रीय समितिको बैठकपछि हस्ताक्षर गर्नुपर्छ भन्ने पनि माग राखेको भिडियो सन्देशमा बताएका छन् ।
सन्देशमा शर्माले विभिन्न व्यक्तिहरूले फोन अथवा एसएमएसमार्फत केन्द्रीय समितिको बैठकपछि हस्ताक्षर गरे हुन्न र भन्ने गरेको उल्लेख गर्दै भन्दै लगनपछिको पोते के काम भन्ने प्रश्न गर्दै विशेष महाधिवेशन गर्दा पार्टी थप बलियो हुने विश्वास व्यक्त गरेका छन् ।
