‘स्थानीय सेवा, विश्वव्यापी पहुँच भन्ने नाराका साथ आज संसारभर विश्व हुलाक दिवस मनाइँदै छ। सन् १८७४ मा स्विट्जरल्याण्डको राजधानी बर्नमा विश्व हुलाक सङ्घको स्थापना भएको वार्षिकोत्सवका रूपमा प्रत्येक वर्ष अक्टोबर ९ मा विश्व हुलाक दिवस मनाइन्छ । सन् १९६९ मा जापानको टोकियोमा आयोजित विश्व हुलाक संघको महासभाले विश्व हुलाक दिवस घोषणा गरेको हो । त्यसपछि विश्वका विभिन्न देशले वार्षिक रूपमा यो दिवस मनाउँदै आएका छन्।
यो दिवसमा धेरै देशका हुलाकले नयाँ हुलाक उत्पादन र सेवाको प्रवद्र्धनात्मक कार्यक्रम पनि गर्दै आएका छन्। विश्व हुलाक दिवसका अवसरमा संयुक्त राष्ट्रसङ्घका महासचिव एन्टोनियो गुटेरेसले जारी गरेको सन्देशमा हुलाकका माध्यमबाट शहरी र ग्रामीण क्षेत्रबीचको सम्पर्क कायम भएको र हुलाक कर्मचारीको सञ्जालले दुर्गम गाउँ तथा शहरलाई जोडेर विश्वलाई सबैको पहुँचमा पुर् याएको बताएका छन् ।
सञ्चारको प्रारुपको शुरुवात हुलाकबाट भएको मानिन्छ । नेपालमा पहिले-पहिले मुग्लान अथवा शहर गएका परिवारका सदस्यले घरमा र घरका भएका परिवारका सदस्यले मुग्लानीसँग कुरागर्न हुलाकको प्रयोग गर्थे । त्यो बेला माध्यम थिए, हुलाकी अथवा हलकारा । त्यो बेला उनीहरुको महत्व नै छुट्टै थियो ।
उ बेला रेडियो, टिभी, इन्टरनेट, सबैको काम हुलाकले नै गरिरहेको थियो । विस्तारै आकाशवाणी, ट्रकंल फोन, दुरसंचार, मेसेन्जर, च्याटरुम, ईमेल, फेसवुक, ट्वीटर हुँदै हातहातमा सञ्चारको पहुँच पुग्यो । अहिले पनि हुलाकको महत्व हराएको छैन । हुलाक टिकटको बेग्लै महत्व छ । रजिट्रि गरेर पठाउनु पर्ने चिठ्ठी पा पार्सलका लागि हुलाक नै आवश्यक पर्छ ।
हुलाकको तस्वीर नयाँ पुस्ताले विर्सनै सक्दैन । अहिले स्कूले केटाकेटीले स्कूलमा लेखन अभ्यासको क्रममा बुबा, आमा र साथीलाई पत्र लेख्छन् । हुन त त्यो चिठ्ठी इमेल मार्फत पनि पठाउन सकिन्छ । तर, अनिवार्य अभ्यासका क्रममा उनीहरुले प्रापक र प्रेषक भनेँर हुलाककै सञ्चार अभ्यासलाई पछ्याउँछन् ।
