भदौ २३ र २४ गतेको विध्वंसकारी प्रर्दशनपछि उत्पन्न विषय परिस्थितीमा नेपाली कांग्रेसको केन्द्रीय कार्यसमिति बैठक आजबाट शुरु हुँदैछ। बैठक दिउँसो १ बजे केन्द्रीय कार्यालय सानेपामा शुरु हुने केन्द्रीय कार्यालयका मुख्यसचिव कृष्णप्रसाद पौडेलले जानकारी दिए।
सो बैठकमा सो आन्दोलनका क्रममा आक्रमणमा परि घाइते सभापति शेरबहादुर देउवा पनि सहभागी हुने भएका छन्। बैठकमा पेश गर्ने एजेण्डामा सहमति नजुटेका कारण त्यसअघि बिहान ११ बजे कार्यसम्पादन समितिको बैठक बोलाइएको छ।
शीर्ष नेताहरूबीच केन्द्रीय समिति बैठकमा प्रस्तुत गर्ने एजेण्डाका विषयमा सहमति जुट्न सकेको छैन। एजेण्डामा सहमति नजुटेका कारण यसअघि आइतबारदेखि बस्ने भनिएको केन्द्रीय समिति बैठक आजको लागि सारिएको थियो।
