नेपाली कांग्रेसका सभापति शेरबहादुर देउवाले कार्यकारी भूमिका त्याग्दै पार्टीका उपसभापति पूर्णबहादुर खड्कालाई मंगलबारदेखि कार्यवाहकको जिम्मेवारी सुम्पिए । हुन त नेपाली कांग्रेसको इतिहाँसका वीपी कोइराला मातृकाप्रसाद कोइरालादेखि कृष्णप्रसाद भट्टराई र सुशील कोइराला रामचन्द्र पौडेलसम्म कार्यवाहक सभापति बनेका छन् ।
मातृकाप्रसाद कोइराला नेपाली राष्ट्रिय कांग्रेस स्थापना हुँदा यो पार्टीमा संलग्न थिएनन् । सभापति टंकप्रसाद आचार्य जेलमा हुँदा नै कार्यवाहक सभापति बीपी कोइराला पनि पक्राउ परे । यो अवस्थामा नेपाली राष्ट्रिय कांग्रेसको २००३ चैत २७ र २८ मा जोगवनीमा भएको सम्मेलनले मातृकालाई कार्यवाहक सभापति बनाएको थियो । उनी पार्टी सदस्य र कार्यवाहक सभापति एकै पटक भएका थिए । २००३ माघ १३ गते नेपाली राष्ट्रिय कांग्रेसको स्थापना हुँदा बीपी कोइराला संस्थापक कार्यवाहक सभापति भए । सभापति आचार्य जेलमा रहेकाले वास्तविक नेतृत्वमा बीपी नै थिए ।
यसपछि वीपी कोइरालाले नेता कृष्णप्रसाद भट्टराईलाई २०३४ मा सम्पन्न भएको पटना सम्मेलनबाट बीपी कोइरालाले स्वास्थ्यको कारण देखाई नेपाली कांग्रेसको कार्यवाहक सभापति बनाए । भट्टराईले १४ वर्षसम्म कार्यवाहक सभपाति जिम्मेवारीमा रहे ।
त्यसैगरी २०६४ असोजमा नेपाली कांग्रेस र नेपाली कांग्रेस प्रजातान्त्रिक एकीकरणसँगै सभापति गिरिजाप्रसाद कोइरालाले सुशील कोइरालालाई कार्यवाहक सभापतिको जिम्मेवारी दिएका थिए । २०७२ साल माघ २६ गतेको सभापति सुशील कोइरालाको निधनपछि रामचन्द्र पौडेल स्वतः कार्यवाहक सभापति बने ।
बर्तमान राष्ट्रपति रामचन्द्र पौडेलबाहेक नेपाली कांग्रेसको कार्यवाहक सभापति बनेका सबैजना सभापति बनेका छन् । वीपी कोइराला लामो समय सभापति बने भने मातृकाप्रसाद कोइराला पनि कार्यवाहक सभापति पछि पार्टीका सभापति भएका थिए । त्यसपछि कार्यवाहक सभापति बनेका कृष्णप्रसाद भट्टराई प्रजातन्त्र पुनःस्थापनापछि झापामा सम्पन्न आठौं महाधिवेशनबाट सर्वसम्मत सभापतिमा निर्वाचित भए ।
त्यसैगरि २०६४ असोजमा नेपाली कांग्रेस र नेपाली कांग्रेस प्रजातान्त्रिक एकीकरणसँग कार्यवाहकको जिम्मेवारी पाएका सुशील कोइराला १२ औं महाधिवेशनबाट सभापतिमा निर्वाचित भए । उनी शेरबहादुर देउवालाई पराजित गर्दै सभापतिमा निर्वाचित भएका हुन् ।
१३ औं महाधिवेशन अन्तरगत जिल्ला अधिवेशन भइरहदा २०७२ साल माघ २६ गते सुशील कोइरालाको निधन भएपछि स्वतः कार्यवाहकको जिम्मेवारी पाएका बर्तमान राष्ट्रपति पौडेल १३ औं महाधिवेशनमा शेरबहादुर देउवासँग पराजित भए । शेरबहादुर देउवा १३ औं महाधिवेशनमा पौडेललाई पराजित गर्दै र १४ औं महाधिवेशनमा डा शेखर कोइरालालाई पराजित गर्दै सभापति भए ।
तर भदौ २३ को जेनजीहरूको विद्रोह र भदौ २४ को विध्वंसपछि उत्पन्न विषम परिस्थितीमा नेपाली कांग्रेसको सभापतिबाट विश्राम लिदैं कार्यवाहकको जिम्मेवारी उपसभापति पुर्णबहादुर खड्कालाई दिए । अब खड्काको काँधमा कांग्रेसको १५ औं महधिवेशन गराउनुपर्ने दायित्व छ । यो दायित्व पूरा गर्दै खड्का नेपाली कांग्रेसको सभापति बन्लान कि बर्तमान राष्ट्रपति पौडेल जस्तै पार्टीको सर्वोच्च पद पार्टी सभापति नबनिकन विदा लेलान त्यो हेर्न पख्नै पर्छ ।
