जेनजी आन्दोलनपछि विदेश भागे भनिएका पूर्व उर्जा जलश्रोत तथा सिंचाईमन्त्री दिपक खड्का सार्वजनिक भएका छन् । आन्दोलनका क्रममा घरसमेत जाईएका पूर्वमन्त्री खड्काआज सोही घरमा सार्वजनिक भएका हुन् । घरमा विदेशी र स्वदेशी लाखौ रुपैया राखेको आरोपमा सम्पत्ति सुद्धिकरण विभागले उनीमाथि छानविन गरीरहेको बताएको छ । तर उनले त्यस्ता रुपैया घरमा राखेको कुराको खण्डन गरेका छन् ।
कांग्रेस नेता समेत रहेका खड्काले आफ्नो सम्पत्तिबारे निष्पक्ष छानवीन गर्न पनि आग्रह गरे । आन्दोलनका क्रममा दशैंका लागि साटेर राखेको २०–५० का नोट जलाएर उडाइएको उनले प्रस्ट पारे । आफ्नो चरित्र हत्या गर्नका लागि योजनावद्ध ढङ्गले ती नोट जलाएर उडाईएको उनले दाबी गरे । घरमा आगजनी भएका बेला उनी सोही स्थानमा रहेको पनि उनले जनाएका छन् । उनले आफुसँग २–४ लाख नहुन सक्छ भनेर कसैलाई विश्वास नलाग्ने पनि बताए ।
राजनीति गर्नका लागि ब्यबसाय चाहिन्छ भनेर आफु ब्यबसायमा लागेको र खान लाउन पुग्छ भनेपछि राजनीतिमा होमिएको उनको भनाई छ । भ्रष्टाचार विरुद्ध अभियानकै रुपमा लिएर जाने आफु भएको खड्काको जिकिर छ ।
आन्दोलनमा घर जलेपछि तनावमा रहेको परिवार लिएर तराई पुगेको तर सोही क्रममा डेङ्गु भएपछि भारतको मेदान्त अस्पतालमा ११ दिन उपचारका लागि भर्ना भएको उनले प्रस्ट पारेका छन् । रीपोर्ट आउञ्जेलको समयमा केही राजनीतिक भेट भएको पनि खड्काले जानकारी गराए । तर सिंगापुर नगएको उनको स्पष्टोक्ति छ । आफु भाग्यो भन्नेबारे मिडीयामा आएका समाचारले आफ्ना बारे दिग्भ्रमित पारेपछि सार्वजनिक भएको उनको भनाई छ । परिवारका सदस्य(श्रीमति) भने उपचारका क्रममा उतै रहेको पनि खड्काले प्रस्ट पारेका छन् ।
सरकारले आफुलाई वारेण्ट चिठी पनि नकाटेको र काँहि नजानु पनि नभनेको खड्काले स्पष्ट पारे ।सरकारले भाग्यो भनेर समाजलाई दिग्भ्रमित गरेको उनको आरोप छ । राजनीतिक संघर्षका क्रममा पटकपटक जेल परेका नेताको संगत गरेको उल्लेख गर्दै खड्काले पछिल्लो घटनाबाट आफु विचलित नभएको पनि बताए । मुलुकको अवस्थाप्रति धैयैधारण गर्न आग्रह गरेका खड्काले जनताको सुख दुखमा सधै रहिरहने प्रतिवद्धता पनि ब्यक्त गरेका छन् ।
