पर्व बिदापछी हिजो सुरु भएको नेपाली कांग्रेस केन्द्रीय समिति बैठक पुनः स्थगित भएको छ । महाधिवेशन कार्यतालिका ल्याउने विषयमा कार्यवाहक सभापति पूर्णबहादुर खड्का र महामन्त्रीद्वय गगन थापा र विश्वप्रकाश शर्माबीच सहमति जुट्न नसक्दा आइतबार दिउँसो १ बजे सम्मका लागि बैठक स्थगित भएको हो ।
कांग्रेसमा संस्थापन पक्ष सरकारले घोषणा गरेको फागुन २१ को चुनावपछि मात्र महाधिवेशन गर्ने सोचमा छ । तर, महामन्त्रीद्वय थापा र शर्मा पक्षधर समूह भने मंसिरमा नियमित महाधिवेशन नभए बिशेष महाधिवेशन गर्ने कार्यतालिका ल्याउनुपर्ने अडानमा छन।
महाधिवेशनको कार्यतालिका ल्याउने विषयमा आज बिहान नेता डा. शेखर कोइरालाले दुई महामन्त्रीसहित आफुनिकट पदाधिकारिसँग छलफल गरेका थिए । आगामी १६ पुसमा केन्द्रीय महाधिवेशन नियमित गर्ने गरी कार्यतालिका ल्याउन सकिने र दबाब दिने निर्णय गरिएको छलफल लगत्तै महामन्त्रीद्वय र कार्यवाहक सभापति खड्का बिच छलफल भएको थियो । उनिहरु बिच सहमति नजुट्दा बैठक स्थगित भएको बताइएको छ ।
