नेपाली कांग्रेसको आज आइतबार दिउँसो १ बजे बस्ने भनिएको नेपाली कांग्रेसको केन्द्रीय कार्यसमिति बैठक अन्तिम समयमा आएर स्थगित भएको छ ।
गत शुक्रबार पनि बस्दै नबसी आजका लागि बैठक तोकिएको बैठक १८ कात्तिक दिउँसो १ बजे बस्ने गरी स्थगित भएको हो । १५औं महाधिवेशनको मितिबारे कांग्रेसमा विवाद भएको छ ।
शनिबार सानेपामा पदाधिकारी बैठक बसेर सहमतिको प्रयास गरे पनि असफल भएको थियो । बैठकमा महामन्त्री र संस्थापन पक्षले फरक(फरक कार्यतालिका प्रस्ताव गरेका थिए ।
महामन्त्री विश्वप्रकाश शर्माले महासमिति सदस्यबाट महाधिवेशन चुनावअघि कि पछि भनेर भोटिङ गर्नु पर्ने प्रस्तावसमेत गरेका थिए ।
बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य र ७ वटै प्रदेश सभापतिहरूलाई उपस्थितिका लागि अनुरोध गरिएको छ ।
