१५ औ महाधिवेसन कहिले गर्ने भन्ने विषयमै अल्झिएको नेपाली कांग्रेसको केन्द्रीय समिति बैठक आज पनि बस्दैछ । महाधिवेशन मितिबारे सहमति नजुट्दा पटक–पटक स्थगित हुँदै आएको बैठक आज दिउँसो एक बजे बस्न लागेको हो ।
आजको बैठक पनि महाधिवेशनको मितिबारे नै केन्द्रीत हुने देखिएको छ । कार्यवाहक सभापति पूर्ण बहादुर खड्काले महामन्त्रीद्वय गगन थापा र विश्वप्रकाश शर्मासँग महाधिवेसनको मिति तय गर्न गरेको पटक पटकको छलफलले कुनै निष्कर्ष निकाल्न सकेको छैन । जसका कारण संस्थापन र इतर दुवै समूहले आजको बैठकमा आ–आफ्ना मिति प्रस्ताव गर्ने तयारी गरेका छन्
। मुख्यरुपमा कांग्रेसको महाधिवेशन फागुन २१ को चुनाव अघि गर्ने कि चुनावपछि गर्ने भन्ने विषय पेचिलो नेको छ । नेपाली कांग्रेसको संस्थापन पक्षको हिजो सम्पन्न भेलाले वैशाख अन्तिम साता महाधिवेसन गर्ने प्रस्ताव आजको बैठकमा गर्दैछ ।
त्यस्तै संस्थापन इतरका नेताहरूले भने प्रतिनिधिसभा निर्वाचन अगाडि नियमित महाधिवेसन गर्नुपर्ने नभए विशेष महाधिवेशन बोलाउनुपर्ने माग राख्दै आएका छन् । यसका सम्बन्धमा इतर समूहले ५४ प्रतिशत महाधिवेशन प्रतिनिधीको हस्ताक्षर संकलन गरी कार्यवाहक सभापति खड्कालाई बुझाईसकेका छन् । संस्थापन पक्षले भने ती हस्ताक्षरको सनाखत गर्नुपर्ने माग अघि सारेको छ ।
यता इतरपक्षले विशेष महाधिवेशन पक्षधरहरुको आज भेला राख्दैछ । पार्टीको जारी केन्द्रीय समिति बैठकले महाधिवेशनबारे कुनै पनि ठोस निर्णय गर्न नसकेको भन्दै आज मध्यान्न साढे १२ बजे थापागाउँको एक ब्यांक्वेटमाभेला डाकेको हो ।
