नेपाल प्रहरीले दोश्रो संस्करणको नेपाल प्रिमियर लिग एनपीएलको सम्पुर्ण टिकटहरू बिक्री भइसकेकाले टिकट नपाएका दर्शकलाई घरमै बसेर खेल हेरिदिन आग्रहसमेत गरेको छ ।
प्रहरीले बिहान जारी सूचनामा भनिएको छ,‘आजका सम्पूर्ण टिकटहरू बिक्री भइसकेको जानकारी प्राप्त भएकोले टिकट नपाएका महानुभावहरूलाई उक्त स्थान वरपर भीडभाड नगरी सुरक्षा व्यवस्थापन कार्यमा सहयोग गरिदिन आग्रह गर्दछौँ ।’
एनपिएललाई लक्षित गर्दै प्रहरी प्रधान कार्यालयले टियु रंगशाला परिसरमा तीन सय सुरक्षाकर्मी परिचालन गरेको छ । सम्भावित हुलदंगालाई मध्यनजर गरेर मैदानभित्र र बाहिर ठूलो संख्यामा सदा पोशाकका सुरक्षाकर्मी पनि खटिने छन् ।
