बंगलादेशकी पूर्व प्रधानमन्त्री शेख हसिनालाई मानवता विरुद्धको अपराधमा दोषी ठहर गरिएको छ र मृत्युदण्डको सजाय सुनाइएको छ। विशेष न्यायाधिकरणले गत वर्ष विद्यार्थी नेतृत्वको विरोध प्रदर्शनमा हिंसात्मक दमनको आदेश दिन उनी जिम्मेवार रहेको भन्दै मृत्युुदण्डको सजाय सुनाएको हो ।
संयुक्त राष्ट्रसंघको अनुमान अनुसार यस अवधिमा १,४०० जनाको मृत्यु भएको थियो। अधिकांश सुरक्षा बलको गोलीबाट मारिएका थिए। हसिनालाई उनको अनुपस्थितिमा मुद्दा चलाइएको थियो किनभने उनी भारतमा निर्वासनमा बसिरहेकी छिन्। उनी सत्ताबाट जबरजस्ती हटाइएदेखि त्यहाँ बस्दै आएकी छिन्।
यस फैसलाले भारतलाई हसिनालाई सुपुर्दगी गर्न दबाब दिनेछ तर त्यसो हुने सम्भावना कम छ। हसिनाले आफ्नो अनुपस्थितिमा भएको मुद्दालाई कंगारु अदालत भनेर वर्णन गरेकी थिइन्। अहिले बंगलादेशभर सुरक्षा व्यवस्था कडा पारिएको छ। आज बिहानैदेखि केही विरोध प्रदर्शनहरू भइरहेका छन्।
