विघटित प्रतिनिधिसभाको दोश्रो ठूलो दल नेकपा एमाले प्रतिनिधिसभा पुनर्स्थापनाको रिट लिएर सर्वोच्च अदालत पुगेको छ । असंवैधानिक रूपमा विघटित प्रतिनिधिसभा पुनर्स्थापनाको मागसहित रिट निवेदन लिएर एमाले अदालत गएको हो ।
विघटित प्रतिनिधिसभाको पहिलो दल नेपाली कांग्रेसको गत शनिबार बसेको केन्द्रीय समितिको बैठकले फागुन २१ गतेको निर्वाचनले मात्र अहिले देखिएको निकास दिने भन्दै निर्वाचनको विकल्प नभएको भन्दै प्रतिनिधिसभा पुनर्स्थापनाको विपक्षमा उभिने निर्णय गरेको छ ।
नेकपा एमाले संसदीय दलका तर्फबाट मंगलबाररिट अदालतमा पेस गरिएको महेश बर्तौलाले जानकारी दिए । एमालेको संसदीय दलको बैठकले रिट लिएर जाने अख्तियारी विघटित संसदीय दलका प्रमुख सचेतक महेश बर्तौला र सचेतक सुनिता बराललाई दिएको थियो ।
