नेकपा एमालेका वरिष्ठ उपाध्यक्ष ईश्वर पोखरेलले नेतृत्व निर्माणमा स्वस्थ, मित्रवत् प्रतिस्पर्धाको कुरालाईअगाडि बढाउन चाहेको बताएका छन् । आइतबार बिहान फेसबुकमार्फत एक भिडियो सन्देश जारी गर्दै एमालेको ११ औं महाधिवेशनबाट यी कामहरू गर्न सकौँ भन्ने कामना गरेका छन् ।
उनले नेकपा एमाले, जनताको बहुदलीय जनवादको रक्षा र पार्टी जीवनको लोकतान्त्रीककरणको कुरालाई प्रभावकारी ढंगले अगाडि बढाउने भन्दै यी काम गर्दै मुलुकमा समृद्धिको एउटा अभियानलाई अगाडि बढाउन एमालेले चाहेको उल्लेख गरेका छन् ।
११ औं महाधिवेशनका अध्यक्षमा उमेदवारी घोषणा गरेका पोखरेलले पार्टीको ११औँ राष्ट्रिय महाधिवेशन यो काममा महत्त्वपूर्ण निष्कर्षमा पुग्न सकोस् म हार्दिक शुभकामना व्यक्त गरेका छन् ।
उनले प्रतिनिधि छनोटको कार्य सम्पन्न भएको उल्लेख गर्दै कतिपय ठाउँमा सर्वसम्मत र कतिपय ठाउँमा प्रतिस्पर्धात्मक ढंगले प्रतिनिधिहरू छानिएको उल्लेख गरेका छन् ।
महाधिवेशनमा अध्यक्षमा उमेदवारी दिने घोषणा गरिसकेका पोखरेलले प्रतिनिधिहरूलाई जारी गरेको १ मिनेट २७ सेकेन्ड लामो भिडियो सन्देशमा भनेका छन्, ‘यो महाधिवेशनमा महत्त्वपूर्ण भूमिका पूरा गर्नुहुनेछ भन्ने विश्वास व्यक्त गर्दछु ।’
