नेपाली कांग्रेसका नेता डा. शेखर कोइरालाले संविधान बचाउने र मुलुकलाई सक्रमणबाट जोगाउने निर्वाचनले मात्रै भएको बताएका छन् ।
उनले आफ्नो निर्वाचन क्षेत्र मोरङ ६ अन्तर्गत सुन्दरहरैंचा नगरपालिका ४ का स्थानीय नेताहरूसँगको भेटघाटमा फागुन २१ मा निर्वाचन हुनुपर्ने बताए ।
डा कोइरालाले प्रजातन्त्रको जग निर्वाचन भएकाले कांग्रेस पार्टी निर्वाचनमा जान आतुर रहेको बताए। डा कोइरालाले भने– ‘संविधान बचाउने र मुलुकलाई सक्रमणबाट जोगाउने निर्वाचनले मात्रै हो। हामी त निर्वाचनको मिति कुरेर बसेका छौँ तर सरकारको तयारी हेर्दा निर्वाचन हुनेमा आशंका समेत जन्मिएको छ ।’
उनले दलका केही नेतालाई काठमाडौ बाहिर जान नदिइएको र लुटिएका हतियार र भागेको कैदीबन्दी बाहिर रहेको बारेमा सरकारले के सोचेको छ भनि प्रश्न गरे ।
