काठमाडौँ । नेपाली काँग्रेसको विशेष महाधिवेशनले काठमाडौँको भृकुटीमण्डपलगायत आसपासको क्षेत्रमा यातायात प्रभावित भएको छ।
काठमाडौँ उपत्यकाका तीनै जिल्लाबाट आएको काँग्रेसको र्यालीले भृकुटीमण्डपलगायत आसपासको क्षेत्रमा यातायात प्रभावित भएको हो। काठमाडौँ उपत्यका ट्राफिक प्रहरी कार्यालयले सूचना प्रकाशित गरेर वैकल्पिक बाटो अपनाउन आग्रह गरेको छ।
ट्राफिक प्रहरीका अनुसार, भृकुटीमण्डपसँगै खुल्लामञ्च वरिपरि, पुतलिसडक, सिंहदरबार, माईतिघर, थापाथली चोक, त्रिपुरेश्वरलगायतका स्थानमा सवारी चाप बढेको छ। यी क्षेत्रमा सवारी चाप बढ्ने भएकाले वैकल्पिक मार्गको प्रयोग गर्न ट्राफिक प्रहरीले अनुरोध गरेको छ। काँग्रेसको विशेष महाधिवेशन भृकुटीमण्डपमा सुरु हुँदै छ।
