काठमाडौँ । नेकपा एमालेका अध्यक्ष केपी शर्मा ओलीले कसैले सडकमा बहुमत पुर्याएँ भनेर नहुने बताएका छन् । नेपाली काँग्रेसको विशेष महाधिवेशनबारे टिप्पणी गर्दै ओलीले यस्तो बताएका हुन् ।
शुक्रबार काठमाडौँमा आयोजित कार्यक्रममा बोल्दै अध्यक्ष ओलीले सडकबाट बहुमत पुर्याएको टिप्पणी गरे।
‘नेपाली काँग्रेसले नियमित महाधिवेशन नगरेर विशेष महाधिवेशन किन गरेको छ ? चार पाँच वर्ष कति हो कार्यकाल, नियमित महाधिवेशनको मिति तोकिइसकेको थियो। बैठक कसले बोलाउने भन्ने पनि थिति होला नि ? बैठक कसले बोलाउँछ, महाधिवेशन कसले बोलाउँछ ? थिति होला नि त ? बहुमत र अल्पमतको टुंगो गर्ने पनि त थिति होला नि कसैले सडकमा बहुमत पुर्याएँ भनेर भनेका भरमा हुन्छ ?’ अध्यक्ष ओलीले भने।
