काठमाडौँ । इरानले आत्मसमर्पण नगर्ने चेतावनी दिएको केही घण्टाभित्रै अमेरिकी सेनाले सोमबारदेखि इरानी बन्दरगाहमा पूर्ण रूपमा नाकाबन्दी गर्ने घोषणा गरेको छ । अमेरिकी सैन्य अधिकारीका अनुसार सोमबारबाट यो नाकाबन्दी सुरु हुनेछ ।
अमेरिकी राष्ट्रपति डोनाल्ड ट्रम्पले सामाजिक सञ्जाल ‘ट्रुथ सोसल’ मार्फत ‘स्ट्रेट अफ हर्मोज’ बाट भित्रिने र बाहिरिने सबै जहाजलाई अमेरिकी नौसेनाले रोक्ने चेतावनी दिएपछि यो स्थिति आएको हो । यद्यपि, अमेरिकाले अन्य मुलुकका लागि उक्त मार्ग भएर जाने जहाजमा भने अवरोध नगर्ने प्रस्ट पारेको छ । इरानसँगको यो बढ्दो तनावका कारण विश्व बजारमा कच्चा तेलको मूल्य पुनः प्रतिब्यारेल १०० डलरभन्दा माथि पुगेको छ ।
अमेरिकी घोषणा लगत्तै इरानको आईरआरजीसीले कडा प्रतिक्रिया दिएको छ । उक्त समुद्री मार्गमा आउने कुनै पनि सैन्य जहाजलाई ‘कडा कारबाही’ गरिने आईआरजीसीले चेतावनी दिएको हो । इरानी संसद्का सभामुख मोहम्मद बागेर घालिबाफले इरान धम्कीका अगाडि कहिल्यै नझुक्ने र आत्मसमर्पण नगर्ने बताएका छन् ।
पाकिस्तानमा भएको भनिएको प्रत्यक्ष वार्ता पनि असफल भएपछि यो वातावरण अशान्त बनेको हो । इरानले आफ्नो परमाणु महत्त्वाकाङ्क्षा नत्यागेका कारण वार्ता निष्कर्षमा पुग्न नसकेको ट्रम्पको दाबी छ । तर, इरानी पक्षले भने दुवै देश सम्झौताको निकै नजिक पुगे पनि अमेरिकाको ‘अधिकतम माग’ र अन्तिम समयमा सर्तहरू फेर्ने प्रवृत्तिका कारण वार्ता भाँडिएको आरोप लगाएको छ ।
अमेरिकी राष्ट्रपतिको यो पछिल्लो कदमले अमेरिकाका लागि नयाँ कूटनीतिक र सैन्य चुनौती थपेको विश्लेषण गरिएको छ ।छ । आज चाँदी ७५ रुपैयाँले घटेर तोलामा ४ हजार नौ सय रुपैयाँमा कारोबार भइरहेको महासंघले जनाएको छ । हिजो चाँदी चार हजार ९७५ रुपैयाँमा कारोबार भएको थिए ।
