१६औं केन्द्रीय राष्ट्रपति रनिङ शिल्ड खेलकुद प्रतियोगितामा वागमती प्रदेश च्याम्पियन भएको छ । राष्ट्रिय खेलकुद परिषद् को आयोजनामा शुक्रबार सम्पन्न प्रतियोगितामा बागमती सर्वाधिक २२ स्वर्ण, २१ रजत र १३ कांस्य पदक जित्दै च्याम्पियन भएको हो ।
बुधवारदेखि शुरु भएको प्रतियोगितामा कुल ६ खेल विधामा गरेर ६६ स्वर्णका लागि प्रतिस्पर्धा भएको थियो । त्यसमध्ये वागमती सर्वाधिक स्वर्ण जित्दै यसपल्ट पनि च्याम्पियन बनेको हो । वागमतीले एथलेटिक्समा ११ स्वर्ण र तेक्वान्दोमा पाँच स्वर्ण जितेपछि रनिङ शिल्ड उचालेको हो ।
सुदूरपश्चिम प्रदेश दोस्रो र लुम्बिनी प्रदेश तेस्रो भए । सुदूरपश्चिमले १९ स्वर्ण, ९ रजत र १४ कांस्य पदक जित्यो । लुम्बिनीले १२ स्वर्ण, १५ रजत र १८ कांस्य पदक प्राप्त गरेको थियो । यीबाहेक गण्डकीले पाँच स्वर्ण, कोशीले चार स्वर्ण, मधेशले तीन स्वर्ण र कर्णालीले दुई स्वर्ण पदक जिते । एथलेक्टिसमा तीन जुनियर कीर्तिमान बनाएबापत अविनाश सुनार, भगवती खड्का र गण्डकीले चार गुणा चार सय रिलेमा समान १५ हजार रुपैयाँ पुरस्कार पाए ।
प्रतियोगितामा एथलेटिक्समा २६, भलिबल र कबड्डीमा समान दुई तथा कराते, तेक्वान्दो र उसुमा समान १२ स्वर्णका प्रतिस्पर्धा भएका थिए । सातै प्रदेशबाट समान ९८ खेलाडी गरी कुल ६ सय ८६ खेलाडीले प्रतिस्पर्धा गरेका थिए । स्वर्ण पदक विजेताले पाँच, रजतले तीन हजार र कांस्यले दुई हजार नगद पुरस्कार पाए । राखेपले करिब १२ लाख बराबरको प्रदान ग¥यो ।
