काठमाडौँ । रास्वपाको प्रथम महाधिवेशनमा पहिलो चरणको निर्वाचन सकिएलगत्तै दोस्रो चरणको तयारी सुरु गरिएको छ। दिउँसो ४ बजेबाट दोस्रो चरणको निर्वाचन थाल्नेगरी तयारी भइरहेको प्रवक्ता मनिष झाले जानकारी दिए।
रास्वपाको सभापति र वरिष्ठ नेता पद बाहेक ६ पदाधिकारीका लागि निर्वाचन हुने उनले बताए। जसमा दुई उपसभापति, एक महामन्त्री, ३ सहमहामन्त्री पद रहेका छन्।
१९ सदस्यीय पदाधिकारी रहेको रास्वपामा ३ उपसभापतिमध्ये १ जना, २ महामन्त्रीमध्ये १ जना र ५ सहमहामन्त्रीमध्ये २ जना मनोनीत हुने व्यवस्था छ।
पहिलो चरणमा केन्द्रीय सदस्यका लागि भएको चुनावमा दुई हजार ९५९ मत खसेको थियो। चार हजार ३११ प्रतिनिधिमा एक हजार ३५२ जना मतदानमा सहभागी भएनन्।
