काठमाडौँ ।उत्तरी भेनेजुएलामा लगातार गएका दुईवटा शक्तिशाली भूकम्पमा परी मृत्यु हुनेको संख्या कम्तीमा २३५ पुगेको छ। भत्किएका भवनको भग्नावशेषमुनि अझै धेरै नागरिक थुनिएको आशंकामा उद्धार टोलीहरूले जीवितै उद्धार गर्ने प्रयासलाई तीव्र पारेका छन्।
भेनेजुएलाका स्वास्थ्य मन्त्रीका अनुसार यस प्राकृतिक विपत्तिमा परी हालसम्म कम्तीमा २३५ जनाको मृत्यु भइसकेको छ भने चार हजार ३ सयभन्दा बढी मानिसहरू घाइते भएका छन्। भूकम्पका कारण देशको उत्तरी तटीय क्षेत्रमा पर्ने ‘ला गुएरा’ मा सबैभन्दा बढी मानवीय तथा भौतिक क्षति दर्ता गरिएको छ।
पछिल्लो समय भग्नावशेषहरू पन्छाउने र प्रभावित क्षेत्रमा राहत पुर्याउने काममा उद्धारकर्मीहरू चौबीसै घण्टा खटिएका छन्। मृतक र घाइतेको संख्या अझै बढ्न सक्ने अधिकारीहरूले चिन्ता व्यक्त गरेका छन्।
