यही असार ७ गते चितवनमा शुरु भएको राष्ट्रिय स्वतन्त्र पार्टी (रास्वपा) को प्रथम महाधिवेशन शुक्रवार सकिएको छ । तीन दिनमा सक्ने भनिएको महाधिवेशन छैटौं दिनमा समापन भएको हो । महाधिवेशनको छैटौं दिन हिजो पदाधिकारीको निर्वाचन सम्पन्न भएसंगै महाधिवेशन पनि सकिएको हो ।
पदाधिकारी चयनका लागि भएको निर्वाचनबाट उपसभापति, महामन्त्री र सहमहामन्त्रीहरु चयन भएका छन् । खुलातर्फको उपसभापतिमा अर्थमन्त्री डा स्वर्णीम वाग्ले निर्विरोध निर्वाच भए े भने महिलातर्फको उपसभापतिमा कानुनमन्त्री सोविता गौतमले बाजी मारीन् । पदाधिकारीमा कुल १२ सय ८९ जनाले मतदान गरेकोमा सोविताले ७८९ मत प्राप्त गर्दै निर्वाचित भईन् । सोविताकी प्रतिष्पर्धी डा तोसिमा कार्कीले ५७२ मत प्राप्त गरीन् ।
त्यसैगरी महामन्त्रीमा विपिन आचार्य निर्वाचित भए । आचार्य ६३८ मतका साथ निर्वाचित हुँदा प्रत्यासीहरू मनिष झाले ३२४, गणेश कार्कीले १६४ र सागर ढकालले १२८ मत प्राप्त गरे । आचार्यलाई समर्थन जनाउँदै उम्मेदवारी फिर्ता लिएकी रञ्जु दर्शनालाई पनि ३४ मत खसेको थियो ।
त्यसैगरी पुरुषतर्फका सहमहामन्त्रीमा ११ जना उम्मेदवार रहेकोमा हरि ढकाल, असिम शाह निर्वाचित भएका छन् । त्यस्तै महिलातर्फको सहमहामन्त्रीमा पाँच जना उम्मेदवार रहेकोमा निशा डाँगी निर्वाचिन भएकी छन् । रास्वपाका ९९ केन्द्रीय सदस्य यसअघि बिहीबार नै निर्वाचित भईसकेका थिए । नवनिर्वाचित पदाधिकारी तथा सदस्यहरुलाई महाधिवेशन निर्वाचन आयोगले सपथ समेत गराएको छ ।
