मुलुकमा पहिलोपटक जननिर्वाचित संसद बैठक बसेको दिनको स्मरणमा आज संसद दिवस मनाइँदै छ । २०१५ सालको पहिलो आमनिर्वाचनबाट गठित जननिर्वाचित संसदको २०१६ साल असार १६ गते बसेको पहिलो बैठकको सम्झनामा यो दिवस मनाईने गरिएको छ ।
मुलुकमा संसदीय सर्वोच्चता, विधिको शासन र लोकतन्त्रको महत्वलाई आत्मसात गर्दै यो वर्षपनि विविध कार्यक्रम गरिएको छ । पहिलो संसदले २०१६ असार १९ गते नेपाली कांग्रेसका नेता कृष्णप्रसाद भट्टराईलाई सभामुखमा निर्वाचित गरेको थियो । भट्टराई २०१७ साल पुस १ गतेसम्म सभामुखको भूमिकामा रहनुभएको थियो ।
तर २०१७ साल पुस १ गते तत्कालीन राजा महेन्द्रले दलविहीन पञ्चायती व्यवस्था घोषणा गरेपछि जननिर्वाचित संसद भङ्ग भएको थियो । त्यसयताका विभिन्न कालखण्डमा पनि संसद विघटन तथा भंग भएका छन् ।
आफु अनुकुल संसदको उपयोग गर्न खोज्ने शासकका कारण संसदीय सर्वोच्चताको मर्ममाथि नै प्रहार हुने गरेको हो । त्यसकारण पनि संसदीय दिवस र यो अवसरमा हुने विचारमन्थनको महत्व अहिले पनि सार्न्धविक मानिन्छ ।
।
