काठमाडौं । साविक विजेता अर्जेन्टिनालाई १–० ले पराजित गर्दै युरोपेली च्याम्पियन स्पेनले फिफा विश्वकप २०२६ को उपाधि जितेको छ। यससँगै स्पेनले १६ वर्षपछि दोस्रो पटक विश्वकप ट्रफी उचालेको हो। यसअघि स्पेनले सन् २०१० मा पहिलो विश्वकप उपाधि जितेको थियो।
अमेरिकाको न्युजर्सीस्थित स्टेडियममा भएको फाइनल खेलको निर्धारित ९० मिनेट गोलरहित बराबरीमा सकिएपछि खेल अतिरिक्त समयमा पुगेको थियो।
अतिरिक्त समयको १०६औँ मिनेटमा स्पेनका फेर्रान टोरेजले निर्णायक गोल गर्दै टोलीलाई १–० को अग्रता दिलाए। त्यसपछि दुवै टोलीबाट थप गोल हुन नसक्दा स्पेन विजयी बन्दै विश्वकपको नयाँ च्याम्पियन बन्यो।
निर्धारित समयको अन्त्यतिर अर्जेन्टिनाका एन्जो फर्नान्डेजले दोस्रो पहेँलो कार्ड पाएपछि रातो कार्डसहित मैदान छाड्नुपरेको थियो। १० खेलाडीमा सीमित बनेको अर्जेन्टिनामाथि स्पेनले अतिरिक्त समयमा दबाब बढाउँदै निर्णायक गोल गर्न सफल भयो।
विश्वकपको सेमिफाइनलमा अर्जेन्टिनाले इङ्ग्ल्यान्डलाई २–१ ले हराउँदै फाइनलमा स्थान बनाएको थियो भने स्पेनले फ्रान्सलाई २–० ले पराजित गर्दै उपाधि भिडन्त तय गरेको थियो।
