काठमाण्डौ । स्थानीय बजारमा सुनको मूल्य बढेको छ। नेपाल सुनचाँदी व्यवसायी महासंघका अनुसार अघिल्लो दिनको तुलनामा आज सुनको मूल्य प्रतितोला १ हजार रुपैयाँले वृद्धि भएको हो।
आज छापावाला सुनको मूल्य प्रतितोला २ लाख ८५ हजार ६ सय रुपैयाँ कायम भएको छ। अघिल्लो दिन सुन प्रतितोला २ लाख ८४ हजार ६ सय रुपैयाँमा कारोबार भएको थियो। उक्त दिनपनि सुनको भाउ ६ सय रुपैयाँले बढेको थियो ।
त्यस्तै, आज १० ग्राम सुनको मूल्य आज २ लाख ४४ हजार ८५५ रुपैयाँ पुगेको छ। अघिल्लो दिन १० ग्राम सुनको मूल्य २ लाख ४४ हजार रुपैयाँ रहेको थियो।
सुनसँगै चाँदीको मूल्यमा पनि वृद्धि भएको छ। आज चाँदी प्रतितोला ४ हजार ३७० रुपैयाँमा कारोबार भइरहेको छ। अघिल्लो दिन चाँदीको मूल्य प्रतितोला ४ हजार ३२० रुपैयाँ रहेको थियो।
यसरी एक दिनको अवधिमा सुनको मूल्यमा प्रतितोला १ हजार रुपैयाँ र चाँदीको मूल्यमा प्रतितोला ५० रुपैयाँ वृद्धि भएको हो।
