नेपाली कांग्रेसका पूर्वमहामन्त्री डा शशांक कोइरालालाई पार्टीको इतरसमूहको नेताका रुपमा अघि बढाईएको छ । काठमाडौंमा सम्पन्न राष्ट्रिय सम्मेलन मार्फत डा कोइरालालाई इतर समूहको नेताका रुपमा आगाडि लैजाने निर्णय भएको हो ।
सम्मेलनले पास गरेको ५ बुँदे प्रस्तावको पहिलो नम्बर बुँदामा नै १५ औं महाधिवेशनसम्म आवश्यक पार्टीको नियमित कृयाकलाप देउवाको निर्देशनमा राष्ट्रिय भेला र सम्मेलनका संयोजकले नै संयोजन गर्दै जानु हुनेछ भन्ने उल्लेख छ ।
बुँदामा १४ औं महाधिवेशनबाट निर्वाचित केन्द्रीय कार्यसमितिको निर्णय र आयोजनामा १५ औ महाधिवेशन सम्पन्न गरिने र शेरबहादुर देउवाको सभापतित्वमा १५ औं महाधिवेशन सम्पन्न हुने सो प्रस्तावमा उल्लेख छ । उहाँकै नेतृत्वमा पार्टी एकतावद्ध भई १५ औं महाधिवेशन सम्भव हुने दृढ विश्वास यो सम्मेलनले व्यक्त गर्दछ ।
१५ औं महाधिवेशनसम्म आवश्यक पार्टीको नियमित क्रियाकलाप देउवाको निर्देशनमा राष्ट्रिय भेला र सम्मेलनका संयोजकले नै संयोजन गर्दै जानु हुनेछ ।’ सम्मेलनले गरेको यो निर्णयसँगै भेला सममेलनको संयोजक रहेका डा कोइरालालाई नै पन्ध्रौँ महाधिवेशनसँग सम्बन्धित क्रियाकलाप अघि बढाउने जिम्मेवारी दिइएको हो ।
यसअघि कार्यवाहक सभापतिका हैसियतमा इतरसमूहको नेतृत्व पूर्णबहादुर खड्काले गर्दै आएका थिए ।
