काठमाडौं ।राष्ट्रपति रामचन्द्र पौडेलले भारतीय सेनाप्रमुख धिरज सेठलाई नेपाली सेनाको मानार्थ महारथीको दर्जा प्रदान गरेका छन्।
सोमबार राष्ट्रपति भवन शीतल निवासमा आयोजित विशेष समारोहमा राष्ट्रपति पौडेलले सेनाप्रमुख सेठलाई मानार्थ महारथीको दर्जा प्रदान गरेका हुन्।
नेपाल र भारतबीच सन् १९५० देखि कायम रहेको परम्पराअनुसार दुवै देशका सेना प्रमुखलाई एक–अर्को देशको मानार्थ महारथीको दर्जा प्रदान गरिँदै आएको छ। सोही परम्पराअनुसार सेठलाई उक्त सम्मान प्रदान गरिएको हो।
तीन दिने नेपाल भ्रमणका क्रममा भारतीय सेनाप्रमुख सेठ आइतबार अपराह्न काठमाडौं आइपुगेका थिए।
समारोहमा उपराष्ट्रपति रामसहायप्रसाद यादव, परराष्ट्रमन्त्री शिशिर खनाल, नेपाल सरकार तथा नेपाली सेनाका उच्चपदस्थ अधिकारीहरू र नेपालका लागि भारतीय राजदूतलगायतको उपस्थिति थियो।
