काठमाडौं । संघीय संसद् सचिवालयले भोटेकोशी नदीमा आएको विनाशकारी बाढीबाट प्रभावितको उद्धार तथा राहत कार्यमा सहजीकरण गर्न आफ्ना २० जना शाखा अधिकृतलाई प्रधानमन्त्री तथा मन्त्रिपरिषद्को कार्यालयमा खटाएको छ।
सचिवालयका प्रवक्ता सहसचिव एकराम गिरीका अनुसार प्रधानमन्त्री तथा मन्त्रिपरिषद्को कार्यालयको मागबमोजिम ती कर्मचारीलाई बुधबारदेखि अर्को आदेश नभएसम्मका लागि त्यहाँ परिचालन गरिएको हो।
सचिवालयका उपसचिव नारायणप्रसाद ढकालद्वारा हस्ताक्षरित पत्रअनुसार कर्मचारीहरूलाई भदौ १४ गतेदेखि प्रधानमन्त्री कार्यालयमा खटाइएको हो।
प्रधानमन्त्री कार्यालयमा खटाइएका कर्मचारीमा मेघराज अर्याल, रोशन तण्डुकार, प्रविन राई, गुणमाया सुनुवार सिंह, जीवनकुमार निरौला, जयराज खड्का, विष्णुबहादुर विष्ट, प्रकाशकुमार लामा, विजयकुमार भट्टराई, नारायणबहादुर कार्की, सदन राई, जनकराज अधिकारी, विष्णु चौधरी, प्रकाश ज्ञवाली, प्रवल पौडेल, यमुना सुवेदी, विमल परियार, कविता भट्टराई, विमला रावल र सरस्वती रिजाल छन्।
सचिवालयका अनुसार विपद्का समयमा उद्धार तथा राहतका कामलाई थप प्रभावकारी, व्यवस्थित र समन्वयात्मक बनाउन कर्मचारीहरूलाई प्रधानमन्त्री कार्यालय मातहत रहने गरी परिचालन गरिएको हो।
