भारतको मध्य प्रदेश र राजस्थानमा खोकी औषधीको रुपमा दूषित कफ सिरप उत्पादन गर्ने एक फार्मास्युटिकल कम्पनीका मालिक जी रंगनाथन बिहीबार बिहान चेन्नईको अपार्टमेन्टबाट पक्राउ परेका छन् । सो दूषित कफ सिरप सेवनबाट २० जना बालबालिकाको मृत्यु भएको छ । सोही विषयमा खोजीमा रहेका जी रंगनाथनलाई बिहीबार बिहान चेन्नईको अपार्टमेन्टबाट पक्राउ गरेको हो ।
भारतिय सञ्चारमाध्यामका अनुसार रंगनाथनको गिरफ्तारी मध्य प्रदेशको छिन्दवाडा जिल्लामा उनको कम्पनीद्वारा उत्पादित कोल्ड्रिफ नामक कफ सिरप सेवनका कारण ती बालबालिकाको मृत्यु भएको हो । यो घटनाले गुणस्तरहीन औषधिको उत्पादन र बिक्रीमाथि व्यापक अनुसन्धानको दबाव बढाएको छ ।
मध्य प्रदेश प्रहरीका उपअधिक्षक जितेन्द्र जाटको नेतृत्वमा रहेको सात सदस्यीय टोलीले रंगनाथनलाई उनकै निवासबाट पक्राउ गरेको हो । अधिकारीहरूले उनलाई मध्यरात १२ः३० बजे हिरासतमा लिएर तमिलनाडुको काञ्चीपुरम जिल्लामा लगिएको छ । चेन्नईको ड्रग टेस्टिङ ल्याबोरेटरीमा सरकारी विश्लेषकबाट आएको परीक्षण प्रतिवेदनमा उक्त कफ सिरपलाई स्ट्याडर्ड गुणस्तरको नभएको घोषणा गरिएको छ ।
विश्लेषणमा सिरपमा भोल्युमको आधारमा ४८.६ प्रतिशतसम्म डाइथिलिन ग्लाइकोल नामक विषाक्त औद्योगिक रसायन रहेको पत्ता लागेको छ ।
