नेपाली कांग्रेसले जेनजी आन्दोलनको क्रममा आगजनीका कारणले ध्वस्त पार्टीको सानेपास्थित केन्द्रीय कार्यालय भवन पुनर्निर्माण गर्न नेपाली कांग्रेसले ठूलो आन्तरिक आर्थिक अभियान सुरू गरेको छ । आगजनीका कारण भवनको ७५ प्रतिशतभन्दा बढी संरचना प्रयोग गर्न नसक्ने अवस्थामा पुगेको छ । कांग्रेसले पार्टीले भित्रैबाट करिब २५ करोड रुपैयाँ उठाउने लक्ष्यसहित सबै तहलार्य परिपत्र जारी गरेको छ । कोषाध्यक्ष उमेश श्रेष्ठ र मुख्यसचिव कृष्णप्रसाद पौडेलले कात्तिक १९ गते सबै संगठनहरूलाई पठाएको परिपत्रमा रकम संकलनको विस्तृत योजना उल्लेख गरिएको छ । पुनर्निर्माणलाई पार्टीको सामूहिक अभियानका रूपमा अघि बढाउने कांग्रेसको तयारी छ ।
परिपत्र अनुसार हरेक प्रदेश समितिले पाँच लाख गरेर सातवटै प्रदेशबाट जम्मा ३५ लाख पैसा संकलन गर्ने भएको छ । जिल्ला कार्यसमितिबाट न्यूनतम ३० हजार देखि ७५ हजार सम्म संकलन गर्ने लक्ष्य लिएको छ । जसमध्ये एक मात्र निर्वाचन क्षेत्र भएका जिल्लाबाट ३० हजार, दुईदेखि चार निर्वाचन क्षेत्र भएका जिल्लाबाट ५० हजार र चारभन्दा बढी क्षेत्र भएका पाँच जिल्लाबाट ७५ हजार संकलन गर्ने भएको छ ।
त्यस्तै प्रतिनिधि सभा क्षेत्रिय कार्यसमितिबाट १६५ क्षेत्रबाट ३० हजारका दरले ४९ लाख ५० हजार र प्रदेश सभा क्षेत्रीय समितिबबाट २० हजारका दरले ६६ लाख संकलन गर्ने लक्ष्य लिएको छ । ।
स्थानीय तहका समितिहरूमध्ये महानगरपालिबामट २० हजार,उपमहानगरपालिकाबाट १५ हजार,नगरपालिकाबाट १० हजार र गाउँपालिकाबाट पाँच हजार संकलन गर्ने निर्णय गरिएको छ । साथै वडा कार्यसमितिबाट दुई हजारका दरले एक करोड ३४ लाख ८६ हजार संकलन गर्ने लक्ष्य लिएको केन्द्रीय कार्यालयले जनाएको छ ।
त्यसैगरि महाधिवेशन ३ हजारका दरले र र प्रदेश महाधिवेशन प्रतिनिधिबाट एक हजारका दरले रकम संकलन गरिने छ । साथै क्रियाशील सदस्यबाट प्रति सदस्य १५० रूपैयाँका दरले रकम संकलन गर्ने लक्ष्य लिएको छ । यसैगरि जनप्रतिनिधिबाट एक महिनाको तलब अनिवार्य गरिएको छ । जसमध्ये १ सय ४० नगरपालिका प्रमुख, १ सय १० उपप्रमुख, गाउँपालिका अध्यक्ष १ सय ८८, उपाध्यक्ष १ सय ९० र वडा अध्यक्ष २ हजार ६ सय ६१ विजयी भएका छन् । यी जनप्रतिनिधिबाट औसत तलबका आधारमा ५ करोडभन्दा बढी रकम उठ्ने अनुमान गरिएको छ ।
कांंग्रेसले जारी गरेको परिपत्रमा यो चुनौतीपूर्ण अवस्थामा पार्टीको भवन पुनर्निर्माण सबैको जिम्मेवारी हो । सबै तहबाट सहयोग जुटे कांग्रेसको केन्द्रीय कार्यालय छिट्टै पुनर्निर्माण हुनेछ भन्ने उल्लेख छ । कांग्रेसले यो अभियानलाई संगठनकै एकता र सहकार्यको प्रतिकका रूपमा अघि बढाउने बताएको छ ।
