नेपाली कांग्रेसका सादगी र इमान्दार नेता भीमबहादुर तामाङको आज १३औं स्मृति दिवस। सरल जीवन, त्याग, निष्ठा, सिद्दान्त र आदर्श, राजनीतिलाई सेवाका रुपमा लिने तामाङको प्रवृत्ति आज पनि उत्तिकै अनुकरणिय छ। नेपाली कांग्रेसमा पाँच दशकभन्दा बढि सक्रिय उनी राजनीतिको हरेक क्षण सच्चा लोकतन्त्रवादी भएर नै जीवन विताए ।
संविधान निर्माणका बेलामा जातिय पहिचानको मुद्दा पेचीलो बन्दै गएको अवस्थामा भीमबहादुरले पहिचानको विषय केहि पनि होईन भन्ने एउटा अतिवादी सोच र जातीय पहिचान वाहेक अरु केही पनि होईन भन्ने अर्को अतिवादी सोचका विचमा ूपहिचान भेटिने जातीय द्वन्द्व मेटीने भन्ने मध्यमार्गी बाटो दुरदर्शी र सान्दर्भिक थियो ।
विसं १९९० मा दोलखाको जफेमा जन्मिएका तामाङ २००६ सालमा नेपाली काँग्रेसबाट नेपाली राजनीतिमा प्रवेश गरेका थिए । लामो समयसम्म प्रवास, जेल जीवन र पार्टीका विभिन्न तहमा रहेर काम गरे । ने
पाली काँग्रेसको बाह्रौँ महाधिवेसनमा सभापतिका उमेद्वार रहेका तामाङले कानुन तथा संसदीय व्यवस्था मन्त्रीको समेत जिम्मेवारी सम्हालेका थिए । आजीवन पार्टीका लागि त्याग गर्नुभएका तामाङ जति समय नेपाली राजनीतिमा सक्रिय रहनुभयो त्यो अवधिभर भौतिक सुख सुविधासमेत लिएनन् ।
