दुई दिने भ्रमणमा रहेका रुसका राष्ट्रपति भ्लादिमिर पुटिनलाई भारतीय प्रधानमन्त्री नरेन्द्र मोदीले ‘गीता’ उपहार दिएका छन्। दुई दिने भ्रमणका लागि बिहीबार साँझ नयाँ दिल्ली अवतरण गरेका हुन् ।
मोदीले आफ्नो सामाजिक सञ्जाल एक्समार्फत पुटिनलाई गीता उपहार दिएको जनाएका छन् । पुटिनलाई गीता उपहार दिँदै गरेको तस्वीर एक्समा राखेर मोदीले लेखेका छन्, ‘राष्ट्रपति पुटिनलाई रुसी भाषामा अनुवादित गीताको एकप्रति भेट गराएँ।’
मोदीले गीताको उपदेशले संसारभरि रहेका लाखौँ मानिसहरूलाई प्रेरणा प्रदान गर्ने उल्लेख गरेका छन्। पुटिन र मोदीबीच आज दुई पक्षीय वार्ता हुँदै छ। वार्ता रक्षा र व्यापारमा केन्द्रीत हुने भारतीय सञ्चारमाध्यमहरूले जनाएका छन्।
