अन्तरिम सरकारका प्रधानमन्त्री सुशीला कार्की र राष्ट्र, राष्ट्रियता, धर्म, संस्कृति तथा नागरिक बचाउ महाअभियानका संयोजक दुर्गा प्रसाईँबीच आज वार्ता हुँदैछ ।
दिउँसो ३ बजे सिंहदरबारमा प्रसाईँ र प्रधानमन्त्री कार्की वार्ता गर्न लागेका हुन् । मंसिर १५ गते प्रसाईंलाई पत्र लेखेर आज दिउँसो ३ बजेका लागि छलफल गर्न बोलाइएको थियो ।
मेडिकल व्यवसायी प्रसाईँकै आग्रहअनुसार उनीसँग प्रधानमन्त्री कार्कीले छलफल गर्न लागेको बताइएको छ ।
प्रसाईंको समूहले राजसंस्था पुनःस्थापना, हिन्दु अधिराज्य कायम हुनुपर्ने लगायतका माग राखेर विभिन्न ढंगले आन्दोलन गर्दै आएको छ।
