नेपाली कांग्रेसका महामन्त्री विश्वप्रकाश शर्माले फागुन २१ गतेका लागि तोकिएको निर्वाचनको मिति बैशाखमा सार्न प्रस्ताव गरेका छन् । महामन्त्री शर्माले सामाजिक संजालमा स्ट्याटस लेख्दै जेनजी समूहहरूलाई अपनत्वमा गाँस्न, विश्वसनीय चुनावी वातावरण विकसित गर्न र हिमाली क्षेत्रलाई समेत सहज बनाउन निर्वाचन थोरै पर वैशाखमा पुग्नुपरे त्यसलाई स्वाभाविक रूपमै स्वीकार गर्नुपर्ने बताएका छन् ।
शर्माले सरकार र जेनजी समुहका बीचमा भएको सहमतिको स्वागत गर्दै जेनजीसँगको सहमति कार्यान्वयनमा फागुन २१ गतेको मिति बाधक बन्न नहुनेमा भन्दै निर्वाचन बैशाखमा लैजानुपर्ने बताए ।
उनले लेखेका छन्– ‘जेनजी समूहहरूलाई अपनत्वमा गाँस्न, विश्वसनीय चुनावी वातावरण विकसित गर्न र हिमाली क्षेत्रलाई समेत सहज बनाउन निर्वाचन थोरै पर वैशाखमा पुग्नुपरे त्यसलाई स्वाभाविक रूपमै स्वीकार गर्नुपर्ने हुन्छ । सहमति र सहकार्यमार्फत आगामी यात्रालाई सहज बनाउनु हामी सबैको साझा दायित्व हो ।’
उनले फागुन २१ को मिति जेनजीसंगको सहमति कार्यान्वयन गर्न फागुन २१ को चुनावको मिति बाधक बन्न नहुने भन्दै हामी सबै त्यो मितिप्रति प्रतिबद्ध रहेको बताएका छन् ।
