नेकपा एमालेको ११ औं महाधिवेशनको कार्यतालिका लम्बिने भएको छ । नयाँ नेतृत्व चयनका लागि आज मतदान गर्ने कार्यतालिकामा उल्लेख भएपनि असम्भव देखिएको छ। एमालेको केन्द्रीय निर्वाचन आयोगले मतदानका लागि दिउँसो १ देखि बेलुका ७ बजेसम्मको समय निर्धारण गरेको छ।
मतदानका लागि ८० वटा विद्युतीय भोटिङ मेसिन प्रयोग गर्ने एमालेको तयारी छ। केन्द्रीय निर्वाचन आयोगले आज मतदान असम्भव भएको बताएको छ । अन्तिम नामावली प्रकाशनपछि मेसिनमा नामावली लोड हुन कम्तिमा १६ घण्टा लाग्ने बताउँदै मतदान आज सम्भव नहुने आयोगको भनाई छ ।
मतदान बुधबार बिहानबाट मतदान गर्न सकिने उल्लेख आयोगको भनाई छ । बुधबार मतदान भए बिहीबार साँझसम्ममा परिणाम सार्वजनिक गरिसक्ने एमालेको केन्द्रीय निर्वाचन आयोगको तयारी छ । ११ औं महाधिवेशनअन्तर्गत पार्टी अध्यक्ष पदका लागि केपी शर्मा ओली र ईश्वर पोखरेल प्यानल बनाएर मैदानमा उत्रिएका छन् ।
