काठमाडौँ । नेपाली कांग्रेस ओखलढुंगामा शेरबहादुर देउवा र शेखर÷शशांक कोइरालालाई धोका दिएर गगन थापाको गुटमा पुगेका चार जना नेताहरूको हरिविजोग हुने भएको छ । देउवा र कोइरालालाई धोका दिदै गगन थापाको गुटमा पुगेका रामहरी खतिवडा, प्रदिप सुनुवार, बालकृष्ण दाहाल र तेजेन्द्र खनालको हरिविजोग हुने भएको छ ।

खतिवडा देउवाका तर्फबाट पार्टीको केन्द्रीय सदस्य र संविधानसभा सदस्य एवम् प्रतिनिधिसभा सदस्य भइसकेका थिए भने सुनुवार देउवाका तर्फबाट दुई दुई पटक पार्टीको जिल्ला सभापति, केन्द्रीय सदस्य र प्रदेशसभा सदस्य तथा कोशी प्रदेशको दुई पटक मन्त्री भए । त्यस्तै दाहाल भने कोइराला परिवारको निकट भएर दुई पटक संविधानसभा सदस्यको उमेदवार बन्ने मौका पाए भने कोइराला पक्षबाट दुई दुई पटक जिल्ला सभापतिको उमेदवार बन्ने मौका पाए । दाहालका पिता सहिद भएपछि उनी कोइराला परिवारको आरक्षण हुर्केका हुन् । पछि दाहाल लामो समय गिरिजाप्रसाद कोइरालाको स्वकिय सचिवका रुपमा काम गरे । खनाल भने देउवा समूहबाट जिल्ला सभापति र अहिले सिद्धिचरण नगरपालिकाको मेयर छन् ।

यी चार जनाले कोइराला र देउवालाई धोका दिएपछि एकथरी कोइराला र देउवा समूहका कार्यकर्ता चुनदेवी कांग्रेस कार्यालयमा रहेका छन् । सो टोलीको नेतृत्व पूर्व जिल्ला सभापति गोमा केसीले गरेकी छन् । कार्यकर्ता चुनदेवी तिरै छोडेर गगनको शरणमा पुगेका खतिवडा, सुनुवार, दाहाल र खनाललाई गगन थापा निकट ओखलढुंगाका कार्यकर्ताहरूले भने लल्कार्न थालिसकेका छन् ।

फागुन २१ गतेको प्रतिनिधिसभा सदस्यको उमेदवार बनेका कुमार लुइटेलले गगन थापा पक्षको नेतृत्वको गर्ने गर्दछन् । उनले आइतबार धुम्बबराहीको सुर्य क्याटरिङमा गरेको भेलामा अधिकांशले खतिवडा, सुनुवार, दाहाल र खनाललाई लक्षित गर्दै केन्द्रमा सात भाई जिल्लामा चार भाईलाई नछोड्ने उदघोष गरेका छन् । त्योसंगै सोमबार लुईटेलले सबै आफ्ना टिमका नेता कार्यकर्ता लगेर गगन थापासंगको सामुहिक तस्वीर समाजिक सञ्जालमा भाइरल बनाउदै खतिवडा, सुनुवार, दाहाल र खनाललाई लल्लकार्न थालेका छन् ।