पूर्वमन्त्री एवम् नेपाली कांग्रेसका नेता रामनाथ अधिकारीले आफू पटक पटक जनताबाट निर्वाचित भएको र पुस्तान्तरणको पक्षमा रहेको भन्दै आगामी प्रतिनिधिसभाको प्रत्यक्ष तथा समानुपातिक र राष्ट्रिय सभा चुनावमा उमेदवार नहुने घोषणा गरेका छन् ।
नेपाली काग्रेस धादिङ क्षेत्र न २ को उमेदवार सिफारिस गर्न बसेको बैठकमा अधिकारीले सो घोषणा गरेका हुन् । उनले नेपालको पछिल्लो राजनीति घटनाक्रमलाई दृष्टिगत गरेर आगामी चुनावमा उमेदवार नबन्ने घोषणा गरेका हुन् ।
नेपाली कांग्रेस घादिङका सभापति समेत रहेका अधिकारीले भदौ २३ गते जेनजी आन्दोलनमा १९ जनाको ज्यान जानेगरि सरकारले बल प्रयोग गरेको भन्दै सुरुमा केपी ओली सरकारबाट राजीनामा दिएका थिए । ओली सरकारमा उनी कृषि तथा पशुपन्छी मन्त्री थिए ।
