नेकपा एमालेका अध्यक्ष केपी शर्मा ओलीले नेपाली कांग्रेसका सभापति शेरबहादुर देउवासँग भएको भेटका परिणामहरू बिस्तारै आउने बताएका छन् । ओलीले मंसिर १९ गते अहिले देउवाको निवास महाराजगञ्जमा पुगेर भेटेका थिए ।
सो भेटबारे उनले बिहीबार काठमाडौंमा सम्पादकहरूसँग आयोजित अन्तरक्रियाका क्रममा देउवा निवास महाराजगञ्जमा भएको डेढ घण्टा लामो भेटका परिणामहरू आउँदै जाने बताए । उनले भने– ‘संसद् पुनःस्थापनालगायत राष्ट्रिय राजनीतिका समसामयिक विषयमा नेपाली कांग्रेसका सभापति शेरबहादुर देउवासँगको भेटमा संवाद भएको थियो । त्यसको परिणाम क्रमशः आउने छन् ।’
ओलीले यस्तो अवस्थामा कांग्रेस र एमाले मिलेपछि परिणामहरू बिस्तारै आउँदै जाने बताए । ओलीले अदालतको फैसलामा चित्त नबुझे पनि मान्दै आएको सन्दर्भ उल्लेख गरे ।
