नेकपा एमालेका अध्यक्ष केपी शर्मा ओली समूहमा भानुभक्त ढकाललाई उपमहासचिव बनाएको भन्दै नेता विष्णु पौडेल पक्ष असन्तुष्ट बनेको छ। पौडेल ११ औं महाधिवेशनमा उपाध्यक्ष पदका उम्मेदवार छन् । ढकाललाई उपमहाचिव बनाउन महासचिव पदका उम्मेदवार शंकर पोखरेल हावि भएको पौडेलको बुझाई छ ।
पोखरेलले आफू महासचिवमा सुरक्षित बन्दै यसअघिका सचिवहरू पद्मा अर्याल, लेखराज भट्ट र छविलाल विश्वकर्मालाई छोडेर भानुभक्त ढकाललाई उपमहासचिवमा उम्मेदवार बनाएपछि पौडेल पक्ष असन्तुष्ट बनेको हो। सचिव भइसकेका अर्याल भट्ट र विश्वकर्मालाई छोडेरस्थायी कमिटी सदस्य भानुभक्तलाई उपमहासचिव उम्मेदवार बनाएपछि पौडेलले असंतुष्टी जनाएका हुन् ।
यसैबीच ओली समूहबाट सचिवमा नाम फाइनल गरिएका लेखराज भट्टले आफू उम्मेदवार नबन्ने बताएका छन्। नेकपा एमालेको जारी ११औं महाधिवेशनअन्तर्गत अध्यक्ष दाबेदार ओलीले पदाधिकारीको नाम टुंगो लगाएका थिए। उनी पूर्वमाओवादी पृष्ठभूमिका हुन्।
