नेकपा एमालेको ११ औं महाधिवेशनमा नयाँ नेतृत्व चयनका लागि करिब डेढ घण्टाको ढिलागरि मतदान प्रक्रिया अघि बढेको छ । भृकुटीमण्डपमा बिहान ८ बजेदेखि मतदान सुरु हुने कार्यतालिका रहे पनि करिब डेढ घण्टा ढिला गरि मतदान प्रक्रिया अघि बढेको हो।
अध्यक्षका उम्मेदवार केपी शर्मा ओली र अर्का अध्यक्षका प्रत्यासी ईश्वर पोखरेलले पहिलो भोट खसालेर मतदानको शुभारम्भ गरेका थिए। बिहान ९ बजेसम्म ओली नआउँदा मतदान सुरु हुन सकेको थिएन, तर पोखरेल भने पहिले नै मतदानस्थल पुगिसकेका थिए।
मंगलबार साँझ अबेरसम्म लाइनमा बसेका मतदाताहरूलाई राति ८ बजेपछि मात्र भोलि मतदान हुने भन्दै फर्काइएको थियो। नयाँ नेतृत्वका लागि केपी शर्मा ओली र ईश्वर पोखरेल प्यानलसहित चुनावी मैदानमा छन्।
