काठमाडौं– चीन भ्रमणमा रहेका प्रधान सेनापति अशोकराज सिग्देलले चिनियाँ रक्षामन्त्री एडमिरल डोङ जुनसँग बिहीबार बेइजिङमा भेटवार्ता गरेका छन्।
नेपाली सेनाका अनुसार भेटवार्तामा नेपाल–चीन सैनिक सम्बन्ध तथा आपसी हितका विविध विषयमा छलफल भएको थियो।
भ्रमणका क्रममा प्रधान सेनापति सिग्देलले चीनको राष्ट्रिय प्रतिरक्षा विश्वविद्यालय (एनडीयू) को निरीक्षण भ्रमणसमेत गरेका छन्। उनले विश्वविद्यालयका गतिविधि तथा शैक्षिक कार्यक्रमबारे जानकारी लिएका थिए।
त्यसैगरी, सिग्देलले १३औँ बेइजिङ सियाङसान फोरमको उद्घाटन सत्रमा पनि सहभागिता जनाएका छन्।
प्रधान सेनापति सिग्देलको चीन भ्रमणका क्रममा नेपाल–चीनबीचको सैनिक सम्बन्ध, पारस्परिक सहयोग र द्विपक्षीय हितका विषयमा उच्चस्तरीय छलफल भएको नेपाली सेनाले जनाएको छ।
